ચીનમાંથી ૫૩ કરોડ વર્ષ જૂના સમુદ્રી સજીવના મગજનું જીવાશ્મ ઓળખાયું

ચીનના યુનાન પ્રાંતમાંથી મળેલા સમુદ્રી સજીવના મગજનું જીવાશ્મ ઓળખાયું છે. અત્યાર સુધી એમ મનાતું હતું કે મગજનું જીવાશ્મ બનતું નથી, પરંતુ આ ૫૩ કરોડ વર્ષ જૂના સજીવમાંથી મગજનું જીવાશ્મ મળતા નવા સમીકરણો બન્યા છે.
ચીનના યુનાન પ્રાંતમાંથી ૧૯૮૨માં અંદાજે ૫૩ કરોડ વર્ષ જૂનું જીવાશ્મ મળ્યું હતું. એ સમુદ્રી સજીવનું જીવાશ્મ હતું. કાર્ડિયોડિક્ટિયન કેટનુલમ પ્રકારના એ સજીવો સદીઓ પહેલાં લુપ્ત થઈ ગયા છે. આ સજીવો એક પ્રકારના કીડા હતા, જે સમુદ્રના પેટાળમાં રહેતા હતા.
એનું જીવાશ્મ મળ્યું ત્યારથી તેનો અભ્યાસ થતો હતો. એ દુનિયાનું સૌથી પ્રાચીન જીવાશ્મ છે. એ પહેલાંના જીવાશ્મના અવશેષો હજુ સુધી મળ્યાં નથી. જેને કેમ્બ્રિયન કાળ કહેવાયો છે એ સમયગાળામાં આ સજીવોની હયાતી હતી. ૪૦ વર્ષના ઊંડાણપૂર્વકના સંશોધન પછી આખરે સંશોધકોએ એ જીવાશ્મમાં દિમાગના જીવાશ્મને અલગ તારવ્યું છે. અત્યાર સુધી એવી માન્યતા હતી કે સજીવના મગજનું જીવાશ્મ બનતું નથી, પરંતુ આ જીવાશ્મમાં દિમાગનું જીવાશ્મ મળ્યું તેનાથી નવી વ્યાખ્યા બનશે.
વિજ્ઞાાનિકોએ આ ઘટનાને આશ્વર્યજનક ગણાવી હતી. મગજ સહિત આખી નર્વ સિસ્ટમની ઓળખ થઈ હોવાથી ઘણાં રહસ્યો આગામી સમયમાં ઉકેલાશે. બ્રિટનના કિંગ્સ કોલેજના પ્રોફેસર ફ્રેંક હિર્થે કહ્યું હતું કે આ સજીવોની કડી મેળવવા માટે બહુ જ  ઉપયોગી થઈ પડશે. તેનાથી સંશોધનની નવી દિશા ખૂલશે.

from Science technology News - Gujarat Samachar : World's Leading Gujarati Newspaper https://ift.tt/ZzvItWQ