એસ્ટરોઇડને લાંબા સમયથી પૃથ્વી માટે જોખમી કહેવામાં આવે છે. વૈજ્ઞાનિકોનું માનવું છે કે, જો પૃથ્વી અને એસ્ટરોઇડની ટક્કર થશે તો મોટી દુર્ઘટના થઈ શકે છે. એવું માનવામાં આવી થયું છે કે, એકવાર એક એસ્ટરોઇડ પૃથ્વી સાથે અથડાયો હતો એ પછી પૃથ્વી પરથી ડાયનાસોર લુપ્ત થઈ ગયા હતા. વૈજ્ઞાનિકોએ એસ્ટરોઇડ પૃથ્વી સાથે અથડાવાની શક્યતા ઘણી વખત વ્યક્ત કરી છે, પરંતુ તે ક્યારેય સાચી સાબિત થઈ નથી. હવે વૈજ્ઞાનિકોએ એક એસ્ટરોઇડ શોધી કાઢ્યો છે જે પૃથ્વી માટે જોખમી સાબિત થઈ શકે છે.
સંશોધકોના એક જૂથે 500 ફૂટ ઊંચા એસ્ટરોઇડના જોખમ વિશે જાણવા માટે એક મોટું પગલું ભર્યું છે. સંશોધકો આંતરિક રચના વિશે માહિતી મેળવવા માટે અવકાશમાં રેડિયો સિગ્નલ મોકલે છે. આ ખડકને પૃથ્વી માટે સંભવિત જોખમી લઘુગ્રહ તરીકે વર્ગીકૃત કરવામાં આવે છે. આ પ્રયોગોના પરિણામો પૃથ્વીને મોટા લઘુગ્રહોથી બચાવવામાં મદદ કરી શેક છે.
દક્ષીણ કેલિફોર્નિયામાં નાસાની જેટ પ્રોપલ્શન લેબોરેટરીમાં પ્રોજેક્ટના મુખ્ય રોકાણકાર અને રડાર સિસ્ટમ એન્જિનિયર માર્ક હેન્સે આ વિશે ઘણી વિગતો આપી છે. તેમણે કહ્યું કે, તે આવતા અઠવાડિયા સુધીમાં વધારાના ડેટાનું વિશ્લેષણ કરશે. આ પછી, તેના પરિણામ જાહેર કરવાનો પ્રયાસ કરીશું. તેમનું કહેવું છે કે, પહેલીવાર એવું થયું છે કે આટલી ઓછી ફ્રિકવન્સીમાં એસ્ટરોઇડનું અવલોકન કરવાનો પ્રયાસ કરવામાં આવ્યો છે. તે પૃથ્વીની નજીકની વસ્તુઓના અભ્યાસ માટે સંશોધન સાધન તરીકે HAARPનું મહત્વ દર્શાવે છે.
આ વર્ષે એસ્ટરોઇડ પૃથ્વીની નજીક પહોંચી જશે
HAARPએ ત્રણ શક્તિશાળી જનરેટરનો ઉપયોગ કર્યો અને આ અઠવાડિયે લાંબી તરંગલંબાઇના સંકેતો પ્રસારિત કરવાનું શરૂ કર્યું છે. આ પ્રયોગ 12 કલાકનો હતો. આ દરમિયાન તેણે છેલ્લા સમય સુધી ડેટા મોકલવાનું કામ કર્યું હતુ.
2010 XC 15 કરતા મોટા એસ્ટરોઇડની તપાસ કરી, જે 3 એપ્રિલ, 2029ના રોજ પૃથ્વીની સૌથી નજીક પહોંચશે
આ ડેટાના વિશ્લેષણમાં ઘણા અઠવાડિયાઓ લાગી શકે છે. આ પ્રયોગે 2010 XC 15 કરતા મોટા એસ્ટરોઇડની તપાસ કરી છે. આ એસ્ટરોઇડ એપોફિસની શોધ વર્ષ 2004માં થઈ હતી, જે 13 એપ્રિલ, 2029ના રોજ પૃથ્વીની સૌથી નજીક પહોંચશે. તે પૃથ્વીથી લગભગ 20,000 માઈલની ત્રિજ્યામાં આવી શકે છે. તે પૃથ્વીની પરિક્રમા કરતા ઘણા જીઓસ્ટેશનરી ઉપગ્રહો કરતા નજીક છે.
from Science technology News - Gujarat Samachar : World's Leading Gujarati Newspaper https://ift.tt/n49axes
0 Comments