વાંચો, કેમ ચંદ્રની જમીન પર હંમેશા રહેશે ભારતના નિશાન

ભારતનું ત્રીજું ચંદ્ર મિશન ચંદ્રયાન-3 ચંદ્રની યાત્રા પર નીકળી ગયું છે. આંધ્રપ્રદેશના શ્રીહરિકોટામાં આવેલા સતીશ ધવન સ્પેસ સેન્ટરથી શુક્રવાર (15 જુલાઈ)ના રોજ સફળતાપૂર્વક લોન્ચ કરવામાં આવ્યું હતું. આ સમયે તે પૃથ્વીની ભ્રમણકક્ષામાં છે અને ધીમે ધીમે ચંદ્ર તરફ આગળ વધી રહ્યો છે. ચંદ્રયાન-3નું મુખ્ય લક્ષ્ય ચંદ્રની સપાટી પર તેનું સોફ્ટ લેન્ડિંગ કરવાનું છે. આ પછી તે ચંદ્રની સપાટી પરથી ડેટા એકત્રિત કરશે અને તેના રહસ્યો પરથી પડદો ખોલશે. આ સાથે, તે ચંદ્ર પર ભારતના રાષ્ટ્રીય પ્રતીકના નિશાન પણ છોડશે. 

ચંદ્રયાન 3 સાથે માત્ર રોવર અને લેન્ડર જ જશે 

ચંદ્રયાન ત્રણ  23 ઓગસ્ટે ચંદ્રના દક્ષિણ ધ્રુવ પર સોફ્ટ લેન્ડ કરશે. અત્યાર સુધી માત્ર ત્રણ દેશો અમેરિકા, રશિયા અને ચીન જ સોફ્ટ લેન્ડ કરાવી ચુક્યા છે. આ સાથે ભારત પણ આ દેશોની ક્લબમાં સામેલ થઈ જશે. આ વખતે ચંદ્રયાન 3 સાથે માત્ર રોવર અને લેન્ડર જઈ રહ્યા છે. ચંદ્રયાન 2 સાથે મોકલાયેલ ઓર્બિટર હજુ પણ ત્યાં છે અને કામ કરી રહ્યું છે. ચંદ્રયાન-2ને 2019માં મોકલવામાં આવ્યું હતું, પરંતુ તે સોફ્ટ લેન્ડિંગ કરી શક્યું ન હતું. ચંદ્રયાન 2ના લેન્ડરનો ચંદ્રની સપાટીથી બે કિમી પહેલા સંપર્ક તૂટી ગયો હતો.

ચંદ્રયાન પર ભારતની હાજરીના હશે નિશાન 

લેન્ડરમાંથી નીકળ્યા બાદ રોવર પ્રજ્ઞાન ફક્ત ડેટા જ એકત્ર નહી કરે પરંતુ તેની સાથે સાથે ચંદ્રની જમીન પર હંમેશા માટે ભારતની હાજરીના નિશાન છોડી દેશે. રોવરનો પાછલો પૈડું એ રીતે ડિઝાઇન કરવામાં આવ્યા છે જે આગળ વધે ત્યારે પોતાની પાછળ ચંદ્રની જમીન પર સારનાથમાં અશોકની લાટથી લેવામાં આવેલ ભારતનું રાષ્ટ્રીય ચિહ્ન અંકિત કરશે. તેના દ્વારા પાછલું પૈડું ઈસરોના નિશાનને પ્રિન્ટ કરશે જે હંમેશા માટે ચંદ્ર પર ભારતની હાજરીનું પ્રમાણ હશે. 

રોવર લેન્ડરથી માત્ર 500 મીટર દૂર જઈ શકશે

રોવર જે ડેટા એકત્રિત કરશે તે લેન્ડરને મોકલવામાં આવશે, જે લેન્ડર જમીન પરના ઈસરોના કમાન્ડ સેન્ટરને મોકલશે. ઈસરોના વૈજ્ઞાનિકો માત્ર લેન્ડર દ્વારા જ રોવરને આદેશો મોકલી શકશે. રોવરનો કાર્યકાળ એક ચંદ્ર દિવસ (પૃથ્વી પર 14 દિવસ) જેટલો હશે. ચંદ્રની સપાટી પર પરીક્ષણ દરમિયાન, રોવર પ્રજ્ઞાન લેન્ડરથી 500 મીટરથી વધુ દૂર જઈ શકશે નહીં.

from Science technology News - Gujarat Samachar : World's Leading Gujarati Newspaper https://ift.tt/pUJ2K1o