જો આવું થયું તો નષ્ટ થઈ જશે ચંદ્રયાન-3નું લેન્ડર રોવર, ઈસરો ચીફે ખતરા અંગે કરી વાત

ભારતે બુધવારે ચંદ્રના દક્ષિણ ધ્રુવ પર ચંદ્રયાન-3નું સોફ્ટ લેન્ડિંગ કરીને ઈતિહાસ રચ્યો છે. ભારત ચંદ્રની સપાટી પર પગ મૂકનાર વિશ્વનો ચોથો દેશ બની ગયો છે. તે જ સમયે, ભારત ચંદ્રના દક્ષિણ ધ્રુવ પર લેન્ડર લેન્ડ કરનાર વિશ્વનો પ્રથમ દેશ બની ગયો છે. ઈસરોના ચીફ એસ. સોમનાથે ગઈકાલે કહ્યું કે, ચંદ્રયાન-3ના લેન્ડર વિક્રમ અને રોવર પ્રજ્ઞાન બંને સારી રીતે કામ કરી રહ્યા છે. જો કે, તેમણે આ ચંદ્ર મિશનમાં આગળના પડકારો વિશે પણ ચેતવણી આપી છે.

ચંદ્રયાન-3 સામે પડકારો 

ઈસરોના ચીફે કહ્યું, ચંદ્રયાન-3નું લેન્ડર વિક્રમ અને રોવર પ્રજ્ઞાન બંને સંપૂર્ણપણે ઠીક છે અને બધુ જ સારી રીતે કામ કરી રહ્યું છે. પરંતુ વાતાવરણ હાજર નથી. આવી સ્થિતિમાં કોઈ પણ અવકાશી પદાર્થ ચંદ્રયાન-3ને ટક્કર મારી શકે છે. એટલે કે તે ટકરાઈ શકે છે. આ સિવાય થર્મલ પ્રોબ્લેમ અને કોમ્યુનિકેશન બ્લેકઆઉટની સમસ્યા પણ આવી શકે છે.

આ કારણે લેન્ડર અને રોવર નાશ થવાનો ડર 

ઈસરોના ચીફ એસ. સોમનાથે વધુમાં જણાવ્યું કે, જો કોઈ લઘુગ્રહ અથવા અન્ય કોઈ પદાર્થ ચંદ્રયાન-3 સાથે ખૂબ જ તેજ ગતિએ અથડાશે તો લેન્ડર અને રોવર બંને નાશ પામશે. તમે ચંદ્રની સપાટીને નજીકથી જોશો તો, દેખાશે કે, ચંદ્રની સપાટી ઉલ્કાઓથી ઢંકાયેલી છે. પૃથ્વી પર પણ દર કલાકે લાખો અવકાશ સંસ્થાઓ આવે છે, પરંતુ આપણે જાણતા નથી. કારણ કે પૃથ્વી પર વાતાવરણ છે અને આપણું વાતાવરણ તે બધા બાળી નાખે છે.

from Science technology News - Gujarat Samachar : World's Leading Gujarati Newspaper https://ift.tt/uWIcaiR