સાયન્સ-મેથના સવાલો માટે ટેન્શન ના લો! ગૂગલ લાવ્યું ખાસ સર્વિસ, તમે સરળતાથી પૂરુ કરી શકશો હોમવર્ક

source: Google

નવી દિલ્હી,તા. 31 ઓક્ટોબર 2023, મંગળવાર 

અમેરિકન ટેક કંપનીએ ગૂગલ સર્ચ અને લેન્સ માટે નવા ફીચર્સ રજૂ કર્યા છે. આ સુવિધાઓ વિદ્યાર્થીઓને મદદ કરવા માટે બનાવવામાં આવી છે. જો તમે ગણિત, ફિઝિક્સ, વર્જ પ્રોબલેમ અને જ્યોમેટ્રીના પ્રશ્નોથી હેરાન થાવ છો, તો ગૂગલ તમારી મદદ કરી શકે છે.

નવા ફિચર્સની સાથે તમે ઇક્વેશન અને પ્રશ્નોના જવાબો મેળવી શકો છો. 

Google ના મેથ સોલ્વર અને લેંગ્વેઝ મોડેલ સ્ટેપ બાય સ્ટેપ માર્ગદર્શન પૂરું પાડે છે. આ ઉપરાંત, તે ફોટો-વિડિયો અને એનિમેશન દ્વારા કઠિન કોન્સેપ્ટને સરળતાથી સમજાવશે. વિદ્યાર્થીઓ સમીકરણો લખીને અથવા ફોટા અપલોડ કરીને સમસ્યાઓ હલ કરી શકે છે. 

ચાલો જોઈએ કે તમારું હોમવર્ક પૂર્ણ કરવામાં Google તમને કેવી રીતે મદદ કરી શકે છે.

જો તમારે ગણિતનો પ્રશ્ન પૂછવો હોય તો ગૂગલ સર્ચ પર મેથ પ્રોબલેમ ટાઈપ કરો. 

આ સિવાય ગૂગલ લેન્સ માટે સમીકરણ અથવા પ્રોબલમનો ફોટો લેવો પડશે. આ સુવિધા તમને પ્રશ્ન કેવી રીતે હલ કરવી તે જણાવશે.

તમે Google ની સુવિધાઓની મદદથી STEM (સાયન્સ, ટેક્નોલોજી, એન્જિનિયરિંગ અને મેથ્સ) ના ખ્યાલને સમજી શકો છો.

એનિમેશન દ્વારા સમજી શકશે

ગૂગલે વર્લ્ડ પ્રોબલમ્સ, ફિઝિક્સ અને જ્યોમિટ્રી માટે પણ સપોર્ટ પૂરો પાડ્યો છે. તે તમને રસપ્રદ આકૃતિઓ અને એનિમેશન દ્વારા સમજાવવામાં આવશે. સર્ચ એન્જીન કંપનીએ શાળાના મહત્વના વિષયો અને તેના આધારનો સમાવેશ કર્યો છે. તમે યોગ્ય ફોર્મુલા સાથે વેલ્યુ પણ જાણી શકો છો.

3D ડાયાગ્રામ સપોર્ટ

ગૂગલ સર્ચમાં લગભગ 1,000 વિષયો માટે 3D ડાયાગ્રામ ઉમેરવામાં આવ્યા છે. આ તમામ ડાયાગ્રામ બાયોલોજી, કેમેસ્ટ્રી, ફિજિક્સ, એસ્ટ્રોનોમી અને રિલેટે ફિલ્ડ સાથે સંબંધિત છે. 

Google નો પ્રયાસ વૈજ્ઞાનિક ખ્યાલોને ઇન્ટરેક્ટિવ રીતે સમજાવવાનો છે, જેથી વિદ્યાર્થીઓ પણ વસ્તુઓને સમજવામાં રસ લે.

from Science technology News - Gujarat Samachar : World's Leading Gujarati Newspaper https://ift.tt/wTxhKvu