એલોન મસ્કે કર્યું સૌથી મોટા ફીચરનું એલાન, હવે વોટ્સએપ સાથે થશે જબરદસ્ત ટક્કર

Image Source: Twitter

નવી દિલ્હી, તા. 20 જાન્યુઆરી 2024, શનિવાર

લાંબા સમય રાહ જોયા બાદ એલોન મસ્કે સોશિયલ મીડિયા પ્લેટફોર્મ X પર એક મોટું ફીચર લોન્ચ કર્યું છે. લાંબા સમયથી આ ફીચરની રાહ જોવાઈ રહી હતી. ઘણા મહિનાથી X પર ઓડિયો અને વીડિયો કોલિંગ ફીચરનું ટેસ્ટિંગ કરવામાં આવી રહ્યું હતું અને હવે તેને Android યૂઝર્સ માટે જારી કરવામાં આવી રહ્યું છે.

એક અહેવાલ પ્રમાણે X એ ધીમે-ધીમે Android યૂઝર્સ માટે ઓડિયો અને વીડિયો કોલ ફીચર જારી કરવાનું શરૂ કરી દીધુ છે. કેટલાક યૂઝર્સને આ નવા ફીચરનું અપડેટ મળી ચૂક્યુ છે અને કેટલાક યૂઝર્સને આગામી થોડા દિવસોમાં મળી જશે.

જો તમે પણ X યૂઝર્સ છો અને આ ફીચર ઈચ્છો છો તો પોતાની એપને અપડેટ કરવી. જોકે, આ નવા ફીચર સાથે એક મોટી સમસ્યા એ છે કે, તે માટે X ના પ્રીમિયમ યૂઝર્સ માટે જ છે એટલે કે, જેમણે X બ્લૂને સબ્સક્રાઈબ કર્યું છે તે જ આ ફીચરનો ઉપયોગ કરી શકશે. 

X પર ઓડિયો અને વીડિયો કોલ ફીચરનો ઉપયોગ કરવા માટે સૌથી પહેલા પોતાની એપ અપડેટ કરવી. ત્યારબાદ સેટિંગમાં પ્રાઈવેસી અને સેફ્ટીમાં જઈને ડાયરેક્ટ મેસેજિંગ એપ (Settings > Privacy and Safety > Direct Messages) ફીચર ઓન કરવું. કોલિંગના ત્રણ ઓપ્શન મળશે કે, કોણ તમને કોલ કરી શકે અને કોણ નહીં. તેના માટે ત્રણ ઓપ્શન કોન્ટેક્ટ લિસ્ટ, ફોલોઅર્સ અને વેરિફાઈડ મળશે.

from Science technology News - Gujarat Samachar : World's Leading Gujarati Newspaper https://ift.tt/xbhV8B2